7 Алтынньы 07.10
  • -4°
  • $ 60,25
  • 58,24

Саха сиригэр 500- тэн тахса оҕо сайыҥҥы лааҕырдара аһыллыахтара

Быйыл сайын өрөспүүбүлүкэҕэ 526 лааҕыр үлэлиэҕэ(2020 с. — 69, 2021 с. – 354), олортон 435 — күнүскү лааҕырдар, 35 үлэ уонна сынньалаҥ лааҕырдара. Ону таһынан, оҕолор  куорат таһынааҕы стационарнай чэбдигирдэр 15 лааҕырдарга сынньаныахтара. Лааҕырдар бары санитарнай- эпидемиологическай ирдэбиллэри тутуһан үлэлиэхтэрэ, диэн СИА-ҕа Саха сирин баһылыгын уонна бырабыыталыстыбатын пресс- сулууспата иһитиннэрдэ.

Быйылгы сайыҥҥы сынньалаҥ кэмигэр өрөспүүбүлүкэ уопсай ахсааныттан 70 %-тан итэҕэһэ суох оҕону лааҕырдарынан сынньатар уонна чэбдигирдэр былааннаахтар.

Саха сирин бырабыыталыстыбатын вице-премьерэ Сергей Местников иһитиннэрбитинэн, 36 оройуоннары уонна куорат уокуруктарын кытта сөбүлэһиилэр түһэрсиллибиттэр, үөрэх сайдыытыгар региональнай госпрограмманы үбүлээһининэн үлэ барар. Итиэннэ госбырагыраама суотугар саха өрөспүүбүлүкэтин 640  оҕолоругар  сынньалаҥнарын тэрийэргэ былааннанар. Госбырагырааманан путевка сыаната босхо.

Быйыл өрөспүүбүлүкэ тас өттүгэр сынньаныыга уонна чэбдигирдиигэ 1449 оҕо барар былааннанар. Итинтэн 976 оҕо Краснодарскай уонна Приморскай кыраай лааҕырдарыгар барыахтара, ол иһигэр 644 оҕо — СӨ судаарыстыбаннай программатын суотугар, 332 оҕо «Арктика оҕолоро» федеральнай субсидия суотугар. 473 үөрэнээччи республика квотатын суотугар «Артек», «Океан», «Смена», «Орленок» кииннэригэр сынньаныахтара.

Дойду иһигэр айаны көҕүлүүр бырагырааманы олоххо киллэрии бара турар — «лааҕыр кэшбегэ» диэн баар. Өрөспүүбүлүкэ 19 лааҕыра 6 оройуоннарга уонна 2 куораттааҕы уокуруктарга бырагыраамаҕа кыттар баҕалаахтарын биллэрдилэр. Олортон Ленскэй, Алдан, Үөһээ Бүлүү, Мэҥэ- Хаҥалас, Жатай оройуоннарыгар биирдии, Чурапчы оройуонугар-2, Сунтаар – 3 уонна Дьокуускай куоракка 9 лааҕыр баар.

Бырагырааманан путевкалары атыылааһын кулун тутар 31 күнүттэн саҕаланна уонна атырдьах ыйын 31 күнүгэр диэри үлэлиир. Оҕолору лааҕырга ыам ыйын 1 күнүттэн ыытыахха сөп. Путевканы «Мир» картанан төлүөххэ наада. 5 күн устата картаҕа 50% төннөр, ол эрээри 20 тыһ. солк. тахса харчыттан элбэҕэ суох. Дьиэ кэргэҥҥэ хас даҕаны оҕо баар буоллаҕына, хас биирдии да оҕоҕо кешбегинэн туһанан путевка ылаллара хааччахтаммат. Кешбек ыйыллбыт картаҕа  5 оробуочай күн иһигэ төннөр.

Дойду үрдүнэн ааспыт сылга 420 тыһ. тахса төрөппүт бу бырагырааманан туһаммыттара,  манна 5 млрд солк. барбыта. Бырагыраама уонна путевка туһунан сонуну Ростуризм, мирпутешествия.рф, объясним.рф сайтарыгар булуохха син.

Следите за самым важным и интересным в Telegram-канале и WhatsApp-группе ЯСИА
0
0