Ыам ыйын 15 күнүгэр Саха сиригэр сайыҥҥы лааҕырдарга суруйуу саҕаланар. Быйыл 500-чэкэ оҕо сынньанар тэрилтэтэ 50 тыһыынча кэриҥэ миэстэни арыйыаҕа.
«Былырыын РФ үөрэҕириитин министиэристибэтин көмөтүнэн Дьокуускайга уонна Мэҥэ Хаҥалас улууһугар «Энергетика» базатыгар оҕо лааҕырдарын үлэҕэ киллэрбиппит. Сынньаммыттар ахсааннара сэттэ төгүл улаатта. Быйыл «Энергетикаҕа» түөрт корпуһу киллэриэхтэрэ, онтон эһиил — Горнай уонна Амма оройуоннарыгар түргэнник тутуллар куорпустары дьэндэтиэхтэрэ», — диэн Айсен Николаев иһитиннэрдэ.
Саха сирин баһылыга бэлиэтээбитинэн, оҕо сынньалаҥын бары тэрилтэлэрэ бэлэмнэниэхтэрэ уонна үлэлэрин саҕалыахтара. Сайабылыанньаны «Госуслуги» портал нөҥүө эбэтэр талбыт тэрилтэҕэ тус бэйэтинэн туттарыахха сөп.
