Россияҕа дэриэбинэлэр, сэлиэнньэлэр, бөһүөлэктэр түргэн мобильнай интернеккэ 2023 сылга холбонууларыгар куоластааһын салҕанар. Саха сирин олохтоохторо
4839 куолаһы «Госуслуги» портал нөҥүө биэрдилэр, суруйар СИА.
Куоластааһыҥҥа кыттар Саха сирин 150 сэлиэнньэтиттэн инники күөҥҥэ Уус Майа улууһун Белькачи сэлиэнньэтэ сылдьар.
Куоластааһыҥҥа кыттыы: «Госуслугаҕа» сигэнэн, сэтинньи 12 күнүгэр диэри; почтанан.
Ааккын, регистрациялаах аадырыскын уонна интернет киириэн баҕарар нэһилиэнньэлээх пууҥҥун суруйаҕын. Суруккун сэтинньи 26 күнүгэр диэри Сыыппара министиэристибэтигэр ыытаҕын: 123112, Москва, Пресненская наб., дьиэ нүөмэрэ 10, стр. 2.
Сокуоннай саастарын туолбут киһи кыттыан сөп.
Түмүк ахсынньы 26 күнүгэр биллиэҕэ.
