Өрөспүүбүлүкэҕэ 300- тэн тахса оскуола саҥа үөрэх дьылыгар бэлэмнэнэр диэн, СИА-ҕа регион үөрэҕин уонна наукатын министиэристибэтин пресс-сулууспата иһитиннэрдэ.
«Билигин өрөспүүбүлүкэ үрдүнэн үөрэхтээһин 682 эбийиэгин туттулар, онтон 318 оскуола, 309 оҕо саада уонна 55 эбии үөрэхтээһин эбийиэктэрэ. Капитальнай өрөмүөнү ыытыыга 2,9 мөл. солк. кэриҥэ федеральнай субсидия бэрилиннэ. Федеральнай үп кээмэйэ тэрилтэлэри үөрэх оборудованиеларынан хааччыйар кыахтаах»,-диэн пресс-сулууспаҕа иһитиннэрдилэр.
Региональнай кабинет баһылыга эппиэттээх биэдэмистибэлэри кылгас болдьоххо өрөспүүбүлүкэ бары үөрэҕин тэрилтэлэрин саҥа үөрэх сылыгар толору бэлэмнээн, хонтуруолга туталларыгар сорудахтаата.
