Саха сиригэр спордунан уонна физкультуранан дьарыктанарга 2309 спортивнай эбийиэк аһыллыбыта, ол иһигэр 893 спортивнай саала, 54 бассейн, 636 спортивнай тутуу, 22 хайыһар базата, ооҥоһуу муустаах алта сабыылаах спортивнай эбийиэк, 31 ытыыга спорт көрүҥнэригэр тутуу уонна 24 стадион, диэн өрөспүүбүлүкэ физическэй культураҕа уонна спорка министиэристибэтигэр иһитиннэрдилэр.
«Спортивнай тутуулары тутуу уонна саҥардыы дьаһала, дойдуга оҥоһуллан тахсар тэрил, экипировка спордунан тиһигин быспакка дьарыктанар дьон ахсаанын ситэн иһиэхтээх. Билигин маннык дьон 76 мөлүйүөн кэриҥэ киһилээхпит. Бу гражданнар 57 бырыһыаннарын кэриҥэ. Манна эмиэ, этэргэ дылы, салгыы сайдар наада», — диэн Россия президенэ Владимир Путин эрдэ бэлиэтээтэ.
Элбэх ахсааннаах спортивнай эбийиэктэр «Спорт — олох нуормата» федеральнай судаарыстыбаннай бырагырааманы, Саха Өрөспүүбүлүкэтин баһылыгын «Саха Өрөспүүбүлүкэтин уопсастыбатын доруобуйатын бөҕөргөтүү уонна доруобуйа харыстабылын тиһигин сайыннарыы тосхол хайысхаларын туһунан» ыйааҕын олоххо киллэрии чэрчитинэн үлэлииллэр уонна «Биир Ньыгыл Россия» баартыйа народнай бырагырааматын «Доруобай кэскил» баартыйа бырайыагын толоруу сорҕото буолаллар.
Саха сирин спордун министиэристибэтигэр 2025 сыллаахха региоҥҥа 9703 киһи, ол иһигэр 4438 дьахтар уу спордун көрүҥнэринэн дьарыктаммыттарын иһитиннэрдилэр.
«Саха сиригэр үгүс улуустарга бассейн аһылларыттан олус үөрэбин. Дьокуускайга мэлдьи харбааһынынан дьарыктанабын. Киин куорат бассейннарыгар спортсменнар эрэ эрчиллэр буолбатахтар, доруобуйаҕа анаан эмиэ харбыахха сөп», — диэн Дьокуускай олохтооҕо Марина Тимофеева санаатын эттэ.
Саха сирин баһылыга Айсен Николаев эрэгийиэҥҥэ инфраструктура сайдыытыттан үчүгэй өрүт спортка эмиэ көстөрүн бэлиэтээтэ. «Бүгүн хас үһүс Саха сирин киһитэ физкультуранан, спордунан тиһигин быспакка дьарыктанар, спортивнай тэрээһиннэр Саха сирин дьоно киэҥ кыттыыларынан ыытыллаллар. Спордунан дьарыктаныы, көннөрү улахан куораттарга эрэ буолбакка, тыа сиригэр эмиэ улахан», – диэн тоһоҕолоон бэлиэтээтэ Саха сирин баһылыга Айсен Николаев.
