Саха сиригэр биир кэлим босуобуйа туһунан сокуон киириэҕиттэн ыла, алтынньы 5 күнүнээҕи туругунан, бу өйөбүл миэрэтэ 100 834 оҕоҕо уонна 3917 хат дьахтарга ананна. Бу туһунан Арассыыйа социальнай пуондатын Саха сиринээҕи салаатын салайааччыта Марина Герман иһитиннэрдэ.
«Дьиэ кэргэҥҥэ биир кэлим босуобуйаны төлөөһүн саҕаланыаҕыттан бу миэрэҕэ 12 млрд 8 мөл. 939 тыһыынча солкуобайы көрдүлэр», — диэн бэлиэтээтэ.
