19 Кулун тутар 19.03
  • -19°
  • $ 91,98
  • 100,24

Саха сирэ "Өлүөнэ муостата" бырайыакка түмүктүүр докумуону 2023 сылга ылар былааннаах

16:34, 28 ноября 2022
Текст:
Читайте нас на
Яндекс Новости
ЯДВ

Саха сирин былааһа 2023 сыл бастакы-иккис кыбаарталыгар Дьокуускайга «Өлүөнэ муостата» бырайыакка Россия «Главгосэкспертиза» тэрилтэ түмүгүн ылар былааннаах. Ол туһунан Ил Дархан Айсен Николаев ТАСС-ка интервью биэрдэ.

«Бырайыак үлэҕэ сылдьар. Биһиги концессионеры уонна Россия Главгосэкспертизатын кытта тутуу иккис түһүмэҕин сыанатын оптимизациялааһыҥҥа үлэлиибит. Бырайыактыыр-сметалыыр докумуон саҥардылларыгар уонна Главгосэкспертизаҕа бу сыл бүтэһигэр диэри ыытылларын күүтэбит. Бырайыактыыр докумуону бэрэбиэркэлээһин болдьоҕун учуоттаан туран, экспертэр сөбүлэҥ түмүктэрин 2023 сыл бастакы-иккис кыбаарталыгар тутар былааннаахпыт», — диэтэ Айсен Николаев.

Кини эппитинэн, Өлүөнэ муостата «илиҥҥэ хайыспыт дойду тырааныспарга каркаһын сүрүн бырайыага буолуохтаах». Өлүөнэни туоруур муоста РФ суолу оҥорууга биэс сыллаах былааныгар киллэриллэр, федеральнайдааҕы үбүлээһинэ 16,9 млрд солк.

Следите за самым важным и интересным в Telegram-канале и WhatsApp-группе ЯСИА