Саха сиригэр тыа хаһаайыстыбата эйгэтигэр олохтоох ураты үгэскэ кубулуйбут өбүгэ дьарыга сайдыытыгар болҕомто ууруллуохтаах. Ол туһунан «Саха сүөһүтэ» тэрилтэ салайааччыта Александр Артемьев эттэ, суруйар СИА.
Миниистирдэр кабинеттарын уонна депутаттары кытта мунньахха Ил Дархан Айсен Николаев Саха сиригэр тыа хаһаайыстыбатын үс сыллаах сайдыытын дьүүллэстэ. Бырабыыталыстыбаҕа судаарыстыбаннай бырагырааманы ылынарга сорудахтаата.
«Саха сүөһүтэ» тэрилтэ салайааччыта Александр Артемьев этэринэн, өрөспүүбүлүкэҕэ өбүгэ дьарыгын сайыннарыыга күүстээх үлэ барыахтаах.
«Өйөбүл баар. Биллэн турар, кыһалҕалар бааллар. Холобур кыстыкка. Ити эрээри биһиги бырагыраамаларбыт үчүгэйдик үлэлииллэр. Кыаллыбаты барытын хабар кыах суох, үҥсэргиир кыах эмиэ суох», — диэтэ Александр Артемьев.
Генофонднай тэрилтэ салайааччытын толкуйунан, эбийиэктэри тутууга уонна научнай-оҥорон таһаарыы хайысхаларыгар үлэ күүскэ барыахтаах.
