29 Кулун тутар 29.03
  • -10°
  • $ 92,26
  • 99,71

Саха киинэтин сайыннарыыга өрөспүүбүлүкэ бүддьүөтүттэн 80 мөлүйүөн көрүлүннэ

18:01, 01 сентября 2020
Текст:
Читайте нас на
Яндекс Новости
ЯДВ

Өрөспүүбүлүкэ салалтата киинэ сайдыытыгар 80 мөлүйүөнү көртүн туһунан оптуорунньукка култуура миниистирин солбуйааччы Марина Силина ТАССка эттэ.  


«Быйылгы дьылга өрөспүүбүлүкэ бүддьүөтүттэн барыта 80 мөлүйүөн көрүллүбүтэ. Үп сыл бүтүүтэ ыытыллар киинэ күрэҕэр туһаныллыа. Сороҕун VI Саха сиринээҕи норуоттар икки ардыларынааҕы киинэ бэстибээлигэр, Аҕа дойду улуу сэриитин туһунан киинэлэргэ, САССР 100 сылыгар анаммыт документальнай киинэлэр устууларыгар ыыппыппыт«, — диир солбуйааччы миниистир.

Кыайыы 75 сылыгар Тимофей Сметанин суруйууларынан «Саллаат сүрэҕэ» итиэннэ «Рядовой Чээрин» диэн киинэлэр уһуллубуттар.

«Дмитрий Кольцов устубут «Рядовой Чээрин» киинэтэ бэлэм. Саха киинэтигэр бастакытын компьютернай графика, хромакей технологиятын туһанан устуу туттулунна«, — диэн министиэристибэ пресс-сулууспата иһитиннэрэр. «Рядовой Чээрин» сэрии тиэмэтигэр бүтэһик уон сылга бастакы киинэ буолар.   

Айсен Николаев сорудаҕынан ааптарскай, бэстибээлинэй, оҕо киинэтигэр, анимационнай, саха классиктарын айымньыларынан киинэлэргэ көмө оҥоһуллуо.

Национальнай киинэ оҥоһуутугар субсидия көрүүтүгэр нормативнай-правовой докумуон оҥоһулла сылдьарын туһунан култуура министиэристибэтэ иһитиннэрэр.

Саха сирин 34 нэһилиэгэр 40 киинэ тыйаатыра, 50 киинэ саалата бааллар. 5,5 сыл иһигэр 49 саха киинэтэ тахсыбыт. Саха киинэлэрэ омук киинэлэринээҕэр ордук элбэх көрөөччүнү хомуйаллар. Саха сирин олохтоохторо киинэҕэ сөбүлээн сылдьаллар. Саала туолуутугар Саха сирэ Арассыыйаҕа бастакы миэстэни ылар.

Следите за самым важным и интересным в Telegram-канале и WhatsApp-группе ЯСИА