23 От ыйа 23.07
  • 17°
  • $ 87,78
  • 95,76

Саха хайыһардьыттара «Азия оҕолоро» норуоттар икки ардыларынааҕы оонньууларга үс мэтээли ыллылар

18:03, 01 марта 2023
Фото: Дьулустан Сергеев/ЯСИА
Читайте нас на
Яндекс Новости
ЯДВ

«Азия оҕолоро» норуоттар икки ардыларынааҕы кыһыҥҥы оонньууларга хайыһар спринтерскэй куоталаһыыларыгар Саха сирин хамаандата үс мэтээли ылла диэн, СИА иһитиннэрэр.

Саха сирин сүүмэрдэммит хамаандатыгар  саамай түмүктээх күрэхтэһии кулун тутар 1 күнүгэр буолла. Спринтерскэй куоталаһыыга Алдантан сылдьар хайыһардьыттар  киин регионнар өттүлэриттэн сытыы конкуренция баарын үрдүнэн,  үс наҕарааданы аҕаллылар.

Кыргыттарга үрүҥ көмүс призерунан Саха сириттэн инна Рыбкина буолла. Кыһыл көмүс мэтээли Москваттан Виктория Бедина, Кузбассаттан боруонса — Виктория Ефимова ыллылар.

Уолаттар ортолоругар бастакынан Сибиир федеральнай уокуругун хамаандатыттан Дмитрий Трушкин кэллэ, атын мэтээллэри Саха сирин сүүмэрдэммит хамаандатын бэрэстэбиитэллэрэ Вадим Ширяев уонна Вадим Кривоногов ыллылар.

Онон Саха сирин хамаандатын копилкатыгар мэтээл ахсаана түөрткэ тиийдэ. Санатан эттэххэ, бастакы мэтээли сноубордист Илья Соколов аҕалбыта.

Следите за самым важным и интересным в Telegram-канале и WhatsApp-группе ЯСИА