Бүгүн Саха сиригэр өрөгөйдөөх күн. 100 сыл анараа өттүгэр өрөспүүбүлүкэ автономията биллэриллибитэ. Дьоһун дьаһал олоххо киириитигэр турууласпыт улуу дьоммут Былатыан Ойуунускай, Максим Аммосов, Исидор Бараахап ыччакка холобур буолаллар.
Үөһээ Бүлүү улууһун П.Н. Тобуруокап аатынан Нам орто оскуолатын оҕолоро Саха АССР 100 сыллаах үбүлүөйдээх тэрээһинигэр көхтөөхтүк кытталлар.
Бүөтүр Тобуруокап аатынан Нам орто оскуолатын 4 а кылааһын үөрэнээччилэрэ, кылаас салайааччыта Саргылаана Семенова көҕүлээһининэн, Бараахапка анаммыт хоһооннору үөрэтэн, аахтылар. Анаан-минээн Харбалаахха Исидор Бараахап музейыгар сырыттылар, олоҕун-дьаһаҕын, оҥорбут үлэтин билистилэр. «Бараахап тыына, Өрөспүүбүлүкэ күнүн тыына биһиги оҕолорбут өйдөрүгэр хатанна«, — диэн кэпсээтэ СИА-ҕа оскуола тэрийэр үлэҕэ салайааччыта Василена Федотова.
Оттон начаалынай кылаас оҕолоро Саха сирин былааҕын саардарынан оҥордулар.
