18 От ыйа 18.07
  • 17°
  • $ 88,09
  • 96,3

Саахымат хоруола Кирсан Илюмжинов Саха сиригэр кэллэ

Читайте нас на
Яндекс Новости
ЯДВ

Бэҕэһээ «Азия оҕолоро» Оонньуу суолталаах тэрээһин чэрчитинэн аан дойдутааҕы саахымаччыттар федерацияларын — ФИДЕ — президенэ Кирсан Илюмжинов Саха сиригэр кэллэ.


Кирсан Илюмжинов Арассыыйа судаарыстыбаннай деятелэ, Саха Өрөспүүбүлүкэтин бастакы президенэ, Госдума депутата Михаил Николаев ыҥырыытынан кэлэ сылдьар. Михаил Ефимович суруналыыстарга: “Кирсан Илюмжинов аан дойдутааҕы 100-тэн тахса дойдуну түмэр ФИДЕ саахымат тэрилтэтин салайар киһи. Кини Саха сирин олохтоохторун кытта көрсүһүүтүгэр саахымат спорт көрүҥүн быһыытынан сайдыытын туһунан кэпсиэҕэ, саахымакка саҥа сайдар саҕахтар тустарынан дьүүллэһиэҕэ. Биһиги тылынан буолбакка, дьыаланан дойду кыахтаах дьонуттан үөрэниэхтээхпит. Онон бу Кирсан Илюмжинов курдук дьону кытта алтыһарбыт хайаан да наада», — диэн бэлиэтээтэ.

Саахымат аан дойдутааҕы хоруола кэлээт да, Хаҥалас улууһунааҕы “Өлүөнэ кыраайа” ураты кыахтаах оҕолорго туһуламмыт Наука аччыгый академиятыгар сырытта. Өктөмнөөҕү лицей учууталларын кытта көрүстэ уонна бу үөрэх кыһатын технопаркатын үлэтин-хамнаһын кытта билистэ, Покровскай куорат “Сардаана” оҕо саадын кырачаан саахымаччыттарын кытта көрүстэ. Лицей баазатыгар үлэлиир саахымат музейыгар сырытта.

Кирсан Илюмжинов бүгүҥҥү күҥҥэ аан дойдуга саахымакка 600 мөл. киһи оонньуурун бэлиэтээтэ. «Биһиги 2020 сылга диэри саахымаччыт ахсаанын планета үрдүнэн 1 миллиард киһиэхэ тиэрдэр соруктаахпыт. Мин Саха сирин салалтатыгар саахыматы сайыннарыыга утумнаах, киэҥ хайысхалаах үлэни ыыталларыгар дириҥ махталбын тиэрдэбин», — диэн санаатын үллэһиннэ.

Следите за самым важным и интересным в Telegram-канале и WhatsApp-группе ЯСИА