29 Кулун тутар 29.03
  • -12°
  • $ 92,26
  • 99,71

Саахымакка “Moscow Open” кыһыл көмүһүн Саха сиригэр Арсений Чумаевскай аҕалла

14:54, 05 февраля 2018
Текст:
Читайте нас на
Яндекс Новости
ЯДВ

Саха сирин саахымаччыттара аан дойду таһымнаах “Moscow Open” курдук  түһүлгэлэргэ кыттар буолбуттара үтүө үгэскэ кубулуйда. Сылтан сыл баҕалаахтар ахсааннара эбиллэн иһэр. Ааспыт өттүгэр уһулуччу ситиһии суоҕун иһин, дэҥ кэриэтэ бириистээх миэстэни син ылар этибит.


Олунньу 4 күнүгэр түмүктэммит “Moscow Open-2018” саахыматы таптааччыларга соһуччу үөрүүнү аҕалла. Дьокуускай куорат 26-с нүөмэрдээх орто оскуолатын 5-с кылааһын үөрэнээччитэ Арсений Чумаевскай уһулуччу ситиһиилэннэ – тоҕус тууру оонньоон, 7,5 очукуоланна уонна коэффициент ааҕыытын түмүгүнэн бастакы миэстэни ылла.

13-гэр диэри саастаах уолаттар бөлөхтөрүгэр финалга тахсыбыт 4 уол тэҥ очукуоланнылар: А.Чумаевскай, Свердловскай уобаластан Роман Кузьмин, Татарстантан Матвей Николаев уонна Роберт Сафин. Ол эрээри биһиги Арсенийбыт иккис миэстэлэммит Р.Кузьминтан очукуо аҥарынан ордон таҕыста. Бөлөххө барыта 147 уол оонньоото. Ол иһигэр Саха сириттэн түөрт.

Алексей Андреев тиһэх туурга кыһыылаахтык хотторон, 5-с миэстэҕэ тигистэ, өскөтүн бу көрсүһүүтүгэр кыайбыта буоллар, бастыыра хаалла. Денис Назаров 6 очукуону сурунан, 20-с миэстэни хааччынна. Саамай кыра саастаах уолаттарга Артур Васильев хаардыы хааман иһэн, тиһэх 9-с туурга кэлэн бүдүрүйдэ. Ол да буоллар 7- саастаах үөрэнээччи 7 очукуотунан 6-с миэстэҕэ тигистэ.

Арсений Чумаевскай чыпчаалга тахсыыта — биһиэхэ өтөрүнэн ситиһиллибэтэх кирбии. Манна даҕатан эттэххэ, Арсений саахымакка бастакы хардыыларын өрөспүүбүлүкэтээҕи саахымат киинигэр саҕалаабыта.

Кыргыттарга Олеся Моисеева бастакы турдары бэркэ саҕалаан баран, 5-7 эргииргэ субуруччу хотторуу хомолтотун биллэ. Юлия 4-с туурга хотторон баран, салгыы олус тахсыылаахтык оонньоото. Түмүккэ 7 очукуону ылан, 3-с бириистээх миэстэҕэ таҕыста.

Следите за самым важным и интересным в Telegram-канале и WhatsApp-группе ЯСИА