21 От ыйа 21.07
  • 22°
  • $ 88,02
  • 96,04

Россия президиэнэ бырабыыталыстыбаны кытта мунньаҕар Ил Дархан кыттыыны ылла

Хаартыска: ЯСИА саайта
Читайте нас на
Яндекс Новости
ЯДВ
Ил Дархан Айсен Николаев от ыйын 10 күнүгэр Россия президиэнэ Владимир Путин бырабыыталыстыбаны кытта мунньаҕар кыттыыны ылла. Мунньах видеосибээс киэбинэн ыытылынна. Тирээн турар боппуруостарга, ол иһигэр дойдуга ойуур баһаардарын туһунан кэпсэттилэр. Ол туһунан регион салалтатын пресс-сулууспата иһитиннэрдэ.
Регионнарга ойуур баһаарын балаһыанньатын ЫБММ баһылыга Александр Куренков оҥордо. «Авиалесоохрана дааннайынан, бу күннээххэ дойду үрдүнэн 500 ойуур баһаара баар, уопсай иэнэ биир мөлүйүөнтэн тахса гектар. Онтон 62 эрэ бохсулунна, ити 12%. Нэһилиэнньэлээх пуунтан чугас 15 уот баар», — диэтэ Куренков.

Миниистир эппитинэн, саамай элбэх ойуур баһаардаах — Саха сирэ уонна Забайкальскай кыраай. Манна Бе-200 сөмөлүөттэр уонна Ми-8 бөртөлүөттэр үлэлииллэр. «Уоту умуруорууга 6000-тан тахса киһи, 700 техника уонна 50 салгын аала үлэлиир», — диэтэ кини.

Сиһилии https://ysia.ru/glava-yakutii-prinyal-uchastie-v-soveshhanii-prezidenta-rossii-s-chlenami-pravitelstva/

Следите за самым важным и интересным в Telegram-канале и WhatsApp-группе ЯСИА