Россия Геройа Петр Киприянов Сулуһун аймахтарыгар туттардылар

Хаартыска: ЯСИА саайта

Читайте нас на

Дьокуускайга Россия Геройун сулуһун Петр Киприянов аймахтарыгар тутардылар. Ил Дархан Айсен Николаев эппитинэн, Петр эппиэтинэстээх уонна эр хоһуун санаалаах, өрөспүүбүлүкэтин уонна Россия дьиҥнээх уола буоларын, бииргэ сулууспалаабыттара ытыктабылынан ахталларын иһитиннэрдэ.

«Саха сирин хорсун уола, Хаҥалас улууһун төрүт олохтооҕо, мотострелковай взвод хамандыыра, младшай лейтенант Петр Киприянов Ийэ дойду көмүскэлигэр, бүтэһик мүнүүтэтигэр диэри кыайыыны чугаһытыһан, хорсуннук охтубута», — диэтэ Айсен Николаев.

Петр Киприянов бэйэтин харыстаммакка байыастарын ыарахан балаһыанньалартан таһаарбыта.

«Билигин анал байыаннай дьайыы зонатыгар кыайыыны туруулаһа сылдьар байыастартан кини туһунан элбэхтэ истибитим. Биир доҕоро «тыыннаах буолуоххун баҕарар буоллаххына хамандыырыҥ бирикээһин толор, кини хайаан да кытаанах балаһыанньаттан таһаарыаҕа» диэбитэ, Петр туһунан кэпсииригэр. Оннук этэ Петр Киприянов. Саха сирин, улуу Россия дьиҥнээх патриота», — диэтэ регион баһылыга.

Хаартыска: Андрей Сорокин/ЯСИА

Илиҥҥи байыаннай уокурук материальнай-техническай хааччыйыыга штабын начаалынньыга Евгений Леонтенков кэпсээбитинэн, 2024 сыл балаҕан ыйыгар Киприянов тус састаабын кытта өстөөх позициятын хаста да штурмнаабыт. «Хас биирдии штурмҥа бэйэтин олоҕун кэрэйбэтэ. Өстөөх позициятын тутан, атын штурм бөлөҕөр суолу арыйан биэрэрэ» диэтэ генерал-майор, аймахтарыгар уолларын иитиигэ уонна байыаһы өйөбүллэригэр махталын биллэрэн туран.

Петр Александрович Киприянов позывнойа Монгол 1985 сыллаахха Покровскайга төрөөбүтэ. Мохсоҕоллооххо 9 кылааһы бүтэрэн баран, колледжка автомеханикка үөрэммитэ. Кэргэнэ Зинаиданы кытта биэс оҕону иитэллэрэ. «РИК Автодор» АУо үлэлиирэ.

Кини анал байыаннай дьайыы кэмигэр дойду үрдүк наҕараадатын ылбыт Саха сириттэн 11 киһинэн буолар.

«До сих пор кажется, что он живой» ыстатыйаны манна ааҕыҥ.

Следите за самым важным и интересным в Telegram-канале и WhatsApp-группе ЯСИА