24 От ыйа 24.07
  • 29°
  • $ 87,3
  • 95,46

Россия бырабыыталыстыбата реабилитациялыыр тэрилтэлэргэ ирдэбиллэри туруорда

Хаартыска: ЯСИА саайта
Читайте нас на
Яндекс Новости
ЯДВ
Россия бырабыыталыстыбата саҥа уураах таһаарда. Онно олоҕуран дойду регионнарыгар дьону реабилитациялыыр тэрилтэлэр тэрээһиннэригэр биир кэлим ирдэбиллэри тутуһуохтара, 2025 сыл кулун тутар 1 күнүттэн. Ол туһунан миниистирдэр кабинеттарын саайтарыгар суруйдулар.

«Быһаарыы инбэлииттээх дьоҥҥо өҥөнү оҥорууга хаачыстыбаны үрдэтигэ, итиэннэ социализация, олохторун хаачыстыбатын таһымын тупсарыыга ананар», — суруллар иһитиннэриигэ.

Ирдэбиллэр бары биир кэлим реабилитацияны уонна абилитацияны ыытар тэрилтэлэргэ көрүллэллэр. Өҥөнү инбэлииттэр, оҕо инбэлииттэр, сайдыытыгар хааччахтаах үс сааһыгар диэри оҕолор уонна кинилэр дьиэ кэргэттэрэ ылаллар диэн уураахха чуолкайдаммыт.

Реабилитациялыыр тэрилтэлэр өҥө үс көрүҥүн ылыахтара: стационарнай, стационарнай аҥардаах уонна дьиэлэригэр.

Санаттахха, 2024 сыл бэс ыйыгар Дьокуускайга көрбөттөргө культурнай-спортивнай реабилитационнай комплекс үлэтин саҕалаабыта.

Следите за самым важным и интересным в Telegram-канале и WhatsApp-группе ЯСИА