20 От ыйа 20.07
  • 22°
  • $ 88,02
  • 96,04

"Россияҕа педагог уонна наставник сылын" Саха сиригэр чуораан тыаһынан арыйдылар

09:28, 31 января 2023
Текст:
Читайте нас на
Яндекс Новости
ЯДВ

«Россияҕа педагог уонна наставник сылын» Саха сиригэр чуораан тыаһынан көрүстүлэр. Старды РФ норуодунай учуутала Виктор Потапов биллэрдэ. «Учителями славится Россия» өрөгөйдөөх биэчэр тохсунньу 30 күнүгэр Дьокуускайга буолла, суруйар СИА.

«Учуутал престиһын өрө таһаарар сыаллаах быйыл Россияҕа педагог уонна наставник сыла биллэрилиннэ. Сорук туоларыгар биһиги бары күүспүтүн ууруохтаахпыт. Ситиһиэхпит дии саныыбын. Маннык үтүө дьыалаҕа ситиһиини баҕарабын», — диэтэ Виктор Потапов.

Видео-эҕэрдэни Ил Дархан Айсен Николаев ыытта. «Билии күүһэ урут да, билигин да сайдыыны салайар сүрүн хайысха буолар, оттон учууталга убаастабыл — уопсастыбабыт сүрүнэ. Педагог уонна наставник сыла үөрэҕириигэ саҥа кыахтары арыйарыгар  эрэллээхпин», — диэтэ кини.

Бырабыыталыстыба бэрэссэдээтэлин солбуйааччы Сергей Местников иһитиннэрбитинэн, өрөспүүбүлүкэҕэ Сыл былаана бигэргэннэ. «Бастатан туран, педагог быраабыгар өрөспүүбүлүкэ сокуона ылыллыаҕа, «Земский мастер» бырагыраама оҥоһуллуоҕа», — диэтэ кини. Ил Дархан көҕүлээһининэн, орто педүөрэх тэрилтэлэрин капитальнай өрөмүөнүгэр уонна саҥардыыга бырагыраама үлэлиирин иһитиннэрдэ. Биэс сыл устата түһүмэхтэринэн 25 үөрэх тэрилтэтэ тупсарыллыаҕа диэтэ.

Санаттахха, 2023 сылы дойду президенэ Россияҕа педагог уонна наставник сылынан биллэрбитэ. Ил Дархан өрөспүүбүлүкэ бастыҥ педагогтарыгар уонна наставниктарыгар 100-түү тыһ солк бириэмийэ олохтонорун иһитиннэрбитэ. Региоҥҥа маннык бириэмийэнэн 36 киһи наҕараадаланыаҕа. Кыайыылаахтары муниципалитеттар олохтоохторо бэйэлэрэ быһаараллар. Кинилэр ааттара Учуутал күнүгэр биллиэҕэ.

Следите за самым важным и интересным в Telegram-канале и WhatsApp-группе ЯСИА