Дьокуускайга Россияҕа дьиэ кэргэн уонна Саха сиригэр оҕо саас сылларын өрөспүүбүлүкэҕэ арыйар тэрээһин буолла. Үлэ миниистирэ Елена Волкова үөрэх миниистирэ Нюргуна Соколоваҕа сыл Бэлиэтин туттарда, суруйар ЯСИА.
«2024 сыл Россияҕа дьиэ кэргэн уонна Саха сиригэр оҕо саас сылларын биллэрилиннэ. Бу олус сөптөөх. Биһиги саамай сүрүн сыаннастарбытын харыстыахтаахпыт уонна чиҥэтэн, кэҥэтэн биэриэхтээхпит. Кинилэр – дойду сайдыытын сүрүн хамсатааччылара, ол иһигэр өрөспүүбүлүкэҕэ», – диэтэ бырабыыталыстыба бэрэссэдээтэлин солбуйааччы Георгий Степанов.
