Коронавирустан үтүөрбүттэр өссө икки нэдиэлэ дьиэлэригэр «самоизоляция» эрэһиимигэр олороллоругар Роспотребнадзор баһылыга Анна Попова «Россия 24» телеханаал нөҥүө эттэ. «Парламентская газета» сигэнэн СИА суруйар.
«Коронавирустан үтүөрэн стационартан тахсыбыттар эбэтэр амбулаторнай эмтэниини ааспыттар өссө 7-10 күн, 14-дэ өссө ордук, дьиэлэригэр олоруохтаахтар», — диэтэ Анна Попова.
Кини эппитинэн, самоизоляция кэмигэр илиини суунан, тыынар уорганы харыстаан, дьонноох сиргэ сылдьыбакка, куттал суоһуон сөптөөх дьонун: 65-тэн үөһэ саастаах, дьарҕа ыарыылаахтары кытта алтыспакка сылдьыахтаах.
Биэдэмистибэ баһылыга быһаарбытынан, сорох ыалга, төһө да инфекциялаах киһи баарын үрдүнэн, дьиэтээҕилэр дьаҥҥа хаптарбаттар. Ити тус гигиенаны булгуччулаахтык тутуһууттан тахсар.
