Саха сиригэр сезон саҕаланыаҕыттан 196 киһи клещ ытырыытыттан эмсэҕэлээтэ. Ол иһигэр — 50 оҕо. «Роспотребнадзорга» сэрэхтээх үөн-көйүүр ханна ордук дьоҥҥо суоһаабытын эттилэр.
Ленскэй — 91 түбэлтэ, Алдан — 33, Нерюнгри — 23, Өлүөхүмэ — 15, Дьокуускай — 12. 10-тан аҕыйах түбэлтэ таҕыста: Сунтаарга — 9, Хаҥаласка — 5, биирдии-иккилии — Мэҥэ Хаҥаласка, Аммаҕа, Үөһээ Бүлүүгэ, Горнайга, Чурапчыга бэлиэтэннэ.
Иксодовай боррелиозка биир тест Нерюнгрига «положительнайы» көрдөрдө. Эмсэҕэлээччи Иркутскай уобаласка ытыттарбыт.
Саха сиригэр энцефалит вируһун тарҕатар клещтан утары 2724 киһи быһыы ылбыт, ол иһигэр 217 оҕо.
