Роспотребнадзор Россия олохтоохторун Италияҕа, Соҕуруу Кореяҕа уонна Ираҥҥа айанныыртан туттунарга сүбэлиир. Бу дойдуларга коронавирус тарҕанна диэн СИА РИА Новости сигэнэн суруйар.
Доруобуйа харыстабылын аан дойдутааҕы тэрилтэтэ (ВОЗ) бу дойдуларга айан кутталлаах вируска хаптарыыга тириэрдиэн сөбүн туһунан сэрэтэр.
Бүтэһик иһитиннэриинэн, Соҕуруу Кореяҕа Covid-19 вирус 1146 түбэлтэтэ таҕыста, 11 киһи өллө.
Ираҥҥа ыалдьыбыт дьон ахсаана 95 киһиэхэ тиийдэ, 15-һэ суорума суолланна.
Италияҕа 320 киһи ыарыыга сыстыбыта чуолкайданна, 11 киһи олохтон туораата, түбэлтэлэр бары дойду хоту өттүгэр таҕыстылар, Ломбардия уонна Венето уобаластарыгар.
