29 Кулун тутар 29.03
  • -14°
  • $ 92,26
  • 99,71

РФ Силиэстийэлиир кэмитиэтин Саха сиринээҕи управлениета пресс-конференция оҥордо

15:21, 16 февраля 2016
Читайте нас на
Яндекс Новости
ЯДВ

Управление салайааччыта Олег Мезрин, кини солбуйааччылара Николай Алексеев уонна Игорь Кононюк суруналыыстарга силиэстийэ уорганнарын ааспыт 2015 сыллааҕы үлэлэриттэн билиһиннэрдилэр.

Биллэрин курдук, 2006 сылтан саҕалаан, биһиги өрөспүүбүлүкэбитигэр буруйу оҥоруу ахсаана аҕыйыыр аакка барбыта. Ол эрэн, былырыын 10,6 %-нан үрдээһин буолбут. Барыта 11.846 буруйу оҥоруу бэлиэтэммит.

Буруй көрүҥнэринэн ылан көрдөххө, соруйан өлөрүү, киһини кырбаан өлүүгэ тиэрдии уонна күүһүлээһин аҕыйыы быһыытыйбыттар: өлөрүү 144-тэн 131-гэ диэри уонна өлүүгэ тиэрдии (РФ Холуобунай кодексатын 111-с ыст. 4-с чааһынан) — 97-тэн 91-гэ диэри, күүһүлээһин — 71-тэн 54-кэ диэри. Буруйу оҥоруу түмүгэр өлбүт дьон ахсаана 374-тэн 341-гэ диэри аччаабыт.

Олег Мезрин бэлиэтээбитинэн, киһини өлөрүү, ыараханнык эчэтии, халааһын, талааһын арыгы иһэн баран оҥоһуллаллар (“итирик” буруй ахсаана 7,6 %-нан элбээбит). Маны тэҥэ, ханна да үлэлээбэт, дохуот киллэриммэт араҥа сокуону кэһиитэ эмиэ элбээбит – 4206-тан 4508-ка диэри. Ол эрэн, өрөспүүбүлүкэҕэ буруйу арыйыы көрдөрүүтэ тупсубутун бэлиэтиир тоҕоостоох – 72,2 % (2014 с. 71,7 % этэ).

Ис дьыала уорганнарын кытта ситимнээхтик бииргэ үлэлээһин түмүгэр, өлөрүүгэ, күүһүлээһиҥҥэ уорбаланааччылары булан сокуон хараҕынан эппиэттэтии балачча үрдүк таһымнаах. Ол курдук, былырыын Дьокуускай куоракка автозаправкаҕа саба түспүт дьон сууттаммыта; Анастасия Сону өлөрбүт киһиэхэ сотору суут бириигэбэрэ тахсыахтаах; Ленскэйгэ үс киһини өлөрүүгэ уорбаланааччы дьыалата силиэстийэлэнэ сылдьар уо.д.а.

Коррупцияны утары туһуламмыт дьыалалар ахсааннара элбээбит: судаарыстыбаннай былааһы, судаарыстыбаннай уонна муниципальнай сулууспа интэриэһин утары – 103-тэн 127-ҕэ диэри; бэриккэ сыһыаннаах буруйдар – 31-тэн 53-кэ диэри.

Следите за самым важным и интересным в Telegram-канале и WhatsApp-группе ЯСИА