13 От ыйа 13.07
  • 18°
  • $ 87,74
  • 95,76

РФ Быыбар киин хамыыһыйатыгар киирбит үҥсүүнү Егор Борисов олоҕо суоҕунан ааҕар

11:51, 12 августа 2016
Текст:
Читайте нас на
Яндекс Новости
ЯДВ

Өрөспүүбүлүкэҕэ быыбар хампаанньатын кэмигэр сокуону күргүөмүнэн кэһии тахсыбытын туһунан Россия Быыбар киин хамыыһыйатыгар киирбит үҥсүүнү Саха сирин баһылыга Егор Борисов олоҕо суоҕунан ааҕар.


РФ Быыбар киин хамыыһыйатын, быраабы араҥаччылыыр уорганнар бэрэстэбиитэллэриттэн турар суһаллык дьайар бөлөх бэрэбиэркэ ыыта Саха сиригэр кэллэ. Быыбар хампаанньатын кэмигэр биир мандааттаах уокурук кандидатын өйүүргэ сокуону баламаттык кэһии, ол иһигэр дьон илии баттааһынын подделкалааһын баарын туһунан үҥсүү кинилэр сырыыларын сүрүн төрүөтүнэн буолар.

«Саха сирин былааһын уоргана урут да, билигин да киһи быыбарга быраабыгар мэһэйи үөскэппэт, хайа эрэ кандидаты регистрациялааһыҥҥа, быыбар түмүгэр хайдах да дьайбат. Өрөспүүбүлүкэбитин административнай ресурсаны туһанан,  дьон быраабын күөмчүлүүр регион быһыытынан ылынары сыыһанан ааҕабын», — диэн Егор Борисов Новости РИА-ҕа эттэ.

Сорох кандидаттар этикэ, бэрээдэк нуормаларыгар эппиэттэспэттэрин, ити кинилэр суобастарыгар хааларын ойуччу тутан этэр.

«Өрөспүүбүлүкэ бэлиитикэтин бигэ туругун түөрэҥнэтэр быһыыны-майгыны төрдүттэн утарабын. Сокуону маассабайдык кэһии баарын курдук дьиҥэ суох туһулаан этиилэри тустаах уорганнарга оҥорор сыыһа», — диир Борисов.

«Онон толкуйа суох, олус тыымах быһаарылары ылар сатамматын этиэх этим. Саха сирин баһылыга буолан тураммын, хайа да өттүттэн административнай ресурсаны туһаныыны тохтотуом», — диэн Ил Дархан эбэн эттэ.

Быыбар киин хамыыһыйатын, кини ааттарыгар Госдума дьокутаатыгар кандидаттартан административнай ресурсаны туһаныы туһунан үҥсүү киирбэтэҕин этэр.

Следите за самым важным и интересным в Telegram-канале и WhatsApp-группе ЯСИА