Сыллата ыытыллар үөрэх үлэһиттэрин Атырдьах ыйынааҕы мунньахтара быйыл онлайн барыа. Бу туһунан edersaas.ru СӨ Үөрэҕин уонна наукатын министиэристибэтин саайтыгар сигэнэн суруйар.
Мунньах икки күн, атырдьах ыйын 25-26 күннэригэр барыаҕа. Бастакы күн Ил Дархан Айсен Николаев кыттыылаах пленарнай мунньахтан саҕаланыа. Быйылгы мунньах урукку сылларга курдук киэҥ бырагыраамалаах. “Качество образования”, “Модернизация воспитания”, “Цифровая трансформация”, “Подготовка кадров”, “Современная модель обучения” диэн хайысхаларынан “төгүрүк остуоллар”, сэминээрдэр, араас кэпсэтиилэр барыахтара. Итиэннэ төрөппүт аһаҕас мунньаҕынан түмүктэниэҕэ. Ону тэҥэ, өрөспүүбүлүкэтээҕи үөрэх тэрилтэлэрин онлайн-быыстапкалара тэриллиэҕэ.
Бырагырааманы сиһилии СӨ Үөрэҕин уонна наукатын министиэристибэтин саайтыгар https://minobrnauki.sakha.gov.ru/news/front/view/id/3205851 көрүөххэ сөп.
