Сыллата ыытыллар үөрэх үлэһиттэрин Атырдьах ыйынааҕы мунньахтара бүгүҥҥүттэн атырдьах ыйын 28 күнүгэр диэри барыа. Мунньах былырыыҥҥыттан, коронавирус ыарыытынан сибээстээн, онлайн көрүҥү эмиэ тутуһан барар.
Быйылгы мунньах гражданскай уопсастыба уонна идэлээх холбоһуктар сомоҕолоһууларыгар ананыа.
Тэрээһин чэрчитинэн өрүү буоларын курдук араас көрсүһүүлэр, эдэр педагогтар мунньахтара, үөрэх тэрилтэлэригэр мастарыскыайдары аһыы, төрөппүт өрөспүүбүлүкэтээҕи аһаҕас мунньаҕа, пленарнай мунньах, хайысхаларынан үөрэтэр сэминээрдэр, маастар-кылаастар, уо.д.а. тэрээһиннэр буолуохтара.
