Саха сиригэр 2023 сыл саҕаланыаҕыттан өрөспүүбүлүкэ 52 оскуолатыгар спортивнай сааланы саҥардыы үлэтэ ыытылынна. Саҥардыллбыт, аныгы усулуобуйаҕа 14 тыһыынча кэриҥэ оҕо спордунан дьарыктанар кыахтанна. Үөрэх тэрилтэлэригэр материальнай техническэй хааччыйыыны «Успех каждого ребенка» диэн бэрэсэдьиэн бырайыагынан модернизациялаатылар, бу туһунан регион баһылыгын уонна бырабыыталыстыбатын пресс-сулууспата иһитиннэрдэ.
«Успех каждого ребенка» федеральнай бырайыак оҕо уонна ыччат дьоҕурун уонна талаанын булууга ыытыллар спорт уобалаһын эмиэ хабар. Бырайыак дьаһаллара 2019 сылга Арассыыйа бэрэсэдьиэнэ Владимир Путин көҕүлээбит «Үөрэхтээһин» национальнай бырайыакка киирсэр.
