Ытык Күөлгэ «Үөрэҕирии» национальнай бырайыагынан 450 миэстэлээх, 100 миэстэлээх интернаттаах, оскуола тутуллар. Билигин үлэлиир эбийиэк 1974 сыллааҕы тутуу.
Таатта улууһун Ытык Күөлүгэр оҕолор билигин үөрэнэр оскуолалара саахалланар туруктааҕынан биллибитэ. Оҕолор хас да сиринэн арахсан үөрэх стандартарын ирдэбиллэригэр эппиэттээбэт дьиэҕэ үөрэнэллэр.
Саҥа тутуллар оскуола түөрт этээстээх. Манна үөрэнэр кабинеттар, рекреационнай хостор, аһыыр сирдээх астыыр блок, медпункт, куруһуоктар ыытыллар сирдэрэ, мастарыскыай, ааҕар саалалаах бибилэтиэкэ, психолог уонна социальнай педагог кабинеттара, живопись уонна уруһуй кабинеттара, спортивнай саала, таҥас уларыттар сирдээх, душтаах, аактабай саала, административнай хостор баар буолуохтара.
Оскуола дьону таһар лифтаах буолара былааҥҥа баар.
Интернакка биир хоско түөрт киһи олорорун курдук хостордоох, уруок аахтар сирдээх, тус малы уурар хостоох, куухуна, таҥас сууйар, куурдар, өтүүкүүр сирдээх, туалет, душ баар буолар.
