19 От ыйа 19.07
  • 21°
  • $ 87,88
  • 96,1

Өрөспүүбүлүкэ сыл бастыҥ үөрэнээччитин талар

13:35, 20 мая 2016
Текст:
Читайте нас на
Яндекс Новости
ЯДВ

СӨ үөрэҕириитин министиэристибэтэ, эбии үөрэхтээһини уонна оҕо хамсааһынын сайыннарыы киинэ «ZOOMA»(«Зума») мобильнай сыһыарыыны кытта тэрийэн ыытар «Сыл үөрэнээччитэ-2016» өрөспүүбүлүкэтээҕи кэтэхтэн куонкурус түмүктэнэн эрэр.


Ыам ыйын 18 күнүгэр куонкурус кыттыылаахтарын видеороликтарын  ZOOMA (Зума) сыһыарыыга таһаарбыттара. Ыам ыйын 25 күнүгэр куоластааһын түмүктэнэр. Онон хас биирдии киһи сыһыарыыны бэйэтигэр хачайдаан ылан, бастыҥ үөрэнээччи диэбитигэр куолаһын биэриэн сөп.

«Куонкурус өрөспүүбүлүкэ оскуолаларын үөрэнээччилэрэ бэйэ-бэйэлэрин кытта билсэллэригэр, уоупттарын атастаһалларыгар, кинилэр уопсастыбаннай, айар үлэлэрин уонна билиигэ дьулуһууларын хайгыыр, көхтөөх уонна айар талааннаах оҕолор тустарынан кэпсиир уонна кинилэри биһириир сыалтан ыытыллар», — диэн үөрэҕирии министиэристибэтин пресс-сулууспата иһитиннэрэр.

Оҕолор 2015-2016 үөрэх дьылыгар муниципальнай, региональнай, Бүтүн Россиятааҕы, норуоттар икки ардыларынааҕы оҕолорго аналлаах тэрээһиннэргэ тус кыттыылара, оҕо хамсааһыннарыгар көхтөрө, волонтердааһыннара, үөрэхтэрин орто баала бастакы түһүмэххэ сыаналаммыта. Маны сэргэ «Мин — Улуу дойду гражданинабын» диэн видеоролик оҥорбуттара, дойду сайдыытыгар кылааттарын киллэрбит биллиилээх дьон туһунан эссе суруйбуттара.

Ол түмүгэр 25 оҕо талыллан, куонкуруска кыттар чиэһи ылбыта. Түмүктүүр түһүмэххэ 6 оҕо лауреат аатын ылыахтара. Онтон бастыҥтан бастыҥ быһаарыллыаҕа. Кыайыылаахтар үөрэҕирии министиэристибэтин грамотатынан уонна «Океан» лааҕырга сынньанар путевканан, өйдөбүнньүк бэлэхтэринэн наҕараадаланыахтара.

Бастыҥтан бастыҥ ааты ылыыга дьоһуннаах кандидаттар ааттара:

Семивеличенко Татьяна, 11 кылаас, Булуҥ улууһа, Арктикатааҕы гимназия, Тиксии

Макарова Мария, 10 кылаас, Усуйаана улууһа, Казачье

Васильева Елена, 10 кылаас, Жатай

Эверстов Алексей, 9 кылаас, Кэбээйи улууһа, Кэбээйи

Гладких Изольда, 9 кылаас, Алдан оройуона, Кутана

Лазарева Наталья, 10 кылаас, Алдан оройуона, Аллараа Кураанах

Ильин Максим, 9 кылаас, Ньурба улууһа, Ньурба

Федоров Андрей, 10 кылаас, Ньурба улууһа, Ньурба

Аммосов Михаил, 10 кылаас, Өймөкөөн улууһа

Оконешникова Анастасия, 7 кылаас, Таатта улууһа

Неустроев Александр, 11 кылаас, Томпо улууһа, Тополинай

Зайцева Анастасия, 11 кылаас, Уус-Майа улууһа

Попов Егор, 10 кылаас, Чурапчы улууһа, Төлөй

Слепцова Алина, 10 кылаас, Чурапчы улууһа, Алаҕар

Кузовлева Кристина, 10 кылаас, Томпо улууһа, Хаандыга

Андросова Айина, 9 кылаас, Хатас

Андросова Дария, 9 кылаас, таатта улууһа, Ытык Күөл

Климентова Виана, 9 кылаас, Дьокуускай

Семенов Алексей, 10 кылаас, Сунтаар улууһа

Николаев Антон, 9 кылаас, Сунтаар улууһа

Протопопова Саина, 10 кылаас, Бүлүү улууһа, Бүлүү

Плотников Дмитрий, 9 кылаас, Мэҥэ Хаҥалас улууһа, Майа

Андросов Андрей, 9 кылаас, Анаабыр улууһа, Сааскылаах

Степанова Анастасия, 10 кылаас, Бүлүү улууһа, Бүлүү

Данилов Игорь, 9 кылаас, Мирнэй оройуона, Сүлдьүкээр

Следите за самым важным и интересным в Telegram-канале и WhatsApp-группе ЯСИА