Өрөспүүбүлүкэ 100 сылын көрсө Дьокуускайга элбэх сибэкки олордоллоро былааннанар, диэн Саха Өрөспүүбүлүкэтин архитектураҕа уонна куораты тутууга управлениетын салайааччыта – Саха сирин кылаабынай архитектора Алексеева Ирина социальнай ситимҥэ быһа биэрии кэмигэр иһитиннэрдэ.
Кини этэринэн, куорат дьаһалтата үбүлүөйдээх дьаһаллар чэрчитинэн 2 мөл. сибэккини олордор былааннаах. Онуоха куораты көҕөрдүүгэ чуолаан элбэх сыллаах үүнээйилэргэ ураты болҕомто ууруллуоҕа.
«Ленин проспегын тупсарыы чэрчитинэн, элбэх сыллаах сибэккилэри, үүнээйилэри олордуохтара. Уокурук дьаһалтата куораты көҕөрдөргө анал бырайыактыыр офистааҕа олус үчүгэй. Маныаха эксплуатацияҕа чопчу эппиэтинэстээх дьон кимнээх буолаллара тута өйдөнөр«, — диэтэ Ирина Алексеева.
