Арассыыйа Бэрэсидьиэнэ Владимир Путин Госдуума дьокутааттарын IX ыҥырыылаах быыбардара 2026 сыл балаҕан ыйын 20 күнүгэр буоларын туһунан ыйаахха илии баттаата. Куоластааһын бу күн ыытыллыаҕа. Докумуон официальнай быраап информациятын порталыгар бэчээттэннэ.
Быыбарга Донбасс уонна Новороссия олохтоохторо аан бастаан кыттыахтара. Барыта биир кэлим куоластааһын күнүгэр 2,2 тыһыынчаттан тахса араас таһымнаах быыбардыыр хампаанньалар былааннаналлар, олорго 20,7 тыһыынча дьокутаат мандаттара уонна талыллар дуоһунастар бааллар.
«Биир ньыгыл Арассыыйа» баартыйа барыллаан куоластааһынын түмүгүнэн, өрөспүүбүлүкэттэн Госдуумаҕа күһүҥҥү быыбардарга биир мандааттаах уокурукка Петр Шамаев, баартыйа испииһэгинэн — РФ Госдууматын дьокутаата Галина Данчикова элбэх куолаһы ыллылар.
«Бу уопут, эппиэтинэс уонна өрөспүүбүлүкэ олохтоохторун интэриэстэригэр тиһиктээхтик үлэлииргэ бэлэм буолууга олоҕурбут дьон итэҕэлин түмүгэ», — диэн барыллаан куоластааһын түмүгүн Ил Дархан Айсен Николаев сыаналаата.
