13 Бэс ыйа 13.06
  • 18°
  • $ 89,02
  • 95,74

"Прометейчиктар" уһуйааннарын дьылын ыһыаҕынан түмүктээтилэр

Читайте нас на
Яндекс Новости
ЯДВ

«Прометейчик» уһуйаан туонатыгар оҕо көмүскэлин күнүгэр уонна дьиэ кэргэн сылыгар анаммыт, күүтүүлээх үөрэх дьылын түмүктүүр, Үрүҥ Тунах ыһыах ыстылар.

Сарсыарда эрдэттэн тиэргэн иһэ төрөппүттэр уонна оҕолор саҥаларынан чугдаарда, бары бөлөхтөр түһүлгэ оҥоһуннулар.

Тэрээһин киин түһүлгэҕэ парадтаан киирииннэн саҕаланна, оҕолор, төрөппүттэр сахалыы сиэдэрэй таҥастарын кэтэн дьолгулдьуйа устан бырааһынньык түөлбэтин олохтоон кэбистилэр.

Самаан сайыны уруйдуу-айхаллыы, ыалдьыт мааныта буолан кэлэн Алгыстаах Испирдиэн алгыс түстэниитин сиэрин -туомун ыытта. Алгыс тылынан ыраастанан, арчыланан ыһыах саха омук сиэринэн саҕаланна.

Мантан ылата саҕаланна үҥкүү кэрэтэ, ырыа ылбаҕайа, хомус дьүрүскэнэ, оһуокай тойуга, күүстээх бөҕөстөр күрэстэрэ.

Саха омук күрэхтэрин, дьүүллүүр сүбэ үлэтин салайан ыытта, Дыгын оонньууларын кыайыылааҕа, төрөппүт Леонид Филиппов.

Күрэх кыайыылаахтара ааттаннылар.

Түһүлгэ, остуол күрэҕин кыайыылаахтара:
1 миэстэ — «Маячок» орто бөлөх;
2 миэстэ — «Светлячок» бэлэмнэнии бөлөх;
3 миэстэ — «Солнышко» улахан бөлөх.

Уһун суһуох күрэҕэр кыайыыны ситистилэр:
1 миэстэ — Петрова Милана, «Малышок» орто бөлөх иитиллээччитэ;
2 миэстэ — Завалко Айыллаана, «Лучик» бэлэмнэнии бөлөх иитиллээччитэ;
3 миэстэ — Слепцова Ванесса, «Солнышко» улахан бөлөх иитиллээччитэ.

Дьиэ кэргэн сахалыы таҥаһа күрэх кыайыылаахтара:
1 миэстэ — Захаровтар дьиэ кэргэн, «Звездочка» орто бөлөх;
2 миэстэ — Копыловтар дьиэ кэргэн, «Светлячок» бэлэмнэнии бөлөх;
3 миэстэ — Седалищевтар дьиэ кэргэн, «Маячок» орто бөлөх.

Мас тардыһыыга:
1 миэстэ — Скрыбыкин Айтал, «Светлячок» бэлэмнэнии бөлөх;
2 миэстэ — Алеша Прохоров, « Светлячок» бэлэмнэнии бөлөх;
3 миэстэ — Савелий Петров, «Лучик» бэлэмнэнии бөлөх.

Кыайыылаахтарга итии-истиҥ эҕэрдэ этилиннэ.

Ыһыах биир сүрүн ыалдьыта, хомус хотуна — Альбина Дегтярева салайыытынан, кэлбит дьоммут-сэргэбит биир тэҥҥэ тыынан, биир тэҥҥэ охсон хомус дьүһүйүүтүн толордулар.

— Мустубут дьон үөрдүбүт, дуоһуйдубут. Ыһыахпыт тэрээһинигэр көмө буолбут Автодорожнай уокурук салалтатыгар улахан махталбытын тиэрдэбит! Маннык тэрээһиннэргэ өрүү көхтөөх, түмсүүлээх буолуохха! Сайын устата дуоһуйа сынньанан, улаатан, саҥа күүс-уох ылынан, тапталлаах «Прометейчик» уһуйааммытыгар аны күһүн түмсүөхпүт, саҥаны айыахпыт- тутуохпут, билиигэ тардыһыахпыт!, — диэн төрөппүттэр санааларын эттилэр.

Ааптар: Сардана Горохова

Следите за самым важным и интересным в Telegram-канале и WhatsApp-группе ЯСИА