14 Атырдьах ыйа 14.08
  • 16°
  • $ 60,9
  • 62,54

Партизаҥҥа дьиэ кэргэн түөрт лааҕыра үлэлиир

Партизан нэһилиэгэр 2014 сылтан сайыҥҥы кэмҥэ дьиэ кэргэн биригээдэлэрэ үлэлииллэр. Бу оҕо сынньалаҥар, бириэмэни туһалаахтык атаарарыгар анаммыт дьаһал буолар.

Нам улууһун дьиэ кэргэн уонна ыччат политикатыгар управлениета, оҕолор сынньалаҥнарын туһалаахтык атаардыннар диэн сыл ахсын субсидия биэрэр. Онон быйыл 4 дьиэ кэргэн биригээдэтэ үлэтин саҕалаан эрэр.

«Эрэллэр» диэн биригээдэ 2015 сылга тэриллибитэ. Салайааччы Сардаана Бережнева. Оҕолор манна эмтээх от хомуйаллар, төрүт сиэри-туому кытта билсэллэр, Партизан историятын үөрэтэллэр.

Оҕолор боҕуруоскай от хомуйан аҕалан кырдьаҕастарга бэлэхтээтилэр. Өссө от туһатын туһунан кэпсээтилэр. Ветераннарбыт оҕолорго үтүөнү оҥорбуттарыгар махтаннылар.
Аҕам саастаах дьоммут алгыстаах махталлара оҕолорго, салайааччыга тиийэ туруохтун.

Источник: Полина Скрябина, энсиэли.рф

Следите за самым важным и интересным в Telegram-канале и WhatsApp-группе ЯСИА
0
0