От ыйын 1 күнүттэн дьиэ кэргэн ипотекатыгар саҥа быраабыланы киллэрии 90% тэҥнэһэр. Бу туһунан ТАСС Судаарыстыбаннай Дуума үп ырыынагар кэмитиэтин бэрэссэдээтэлэ Анатолий Аксаков этиитигэр сигэнэн суруйар.
“Бу нэдиэлэҕэ барытын ылыныахтара. Мин санаабар, барыта сөбүлэһиллэн турар. Официальнайдык бигэргэтэр эрэ хаалан турар. Бырабыыталыстыба бэрэссэдээтэлэ ыйытыы биэриэн сөп, оннук буолааччы. Ол гынан баран, от ыйын 1 күнүттэн олоххо киириэҕэ диэн 90% этиэххэ сөп”, – диэн кини эппит.
Аксаков, дьиэ кэргэн ипотекатын ыстаапкатын ордук табыгастаах барыйааннарын ырытыһалларын, ол туһунан хойутуу соҕус иһитиннэриэхтэрин санатан ааспыт.
Сыллааҕы ыстаапката 6 %-наах “Дьиэ кэргэн ипотеката” бырагыраама 2030 сылга диэри үлэлиир. Манна иккиттэн элбэх оҕолоох, 6-гар диэри саастаах эбэтэр инбэлиит оҕону иитэр ыал хапсаллар. Бу туһунан ТАСС суруйар.
