20 От ыйа 20.07
  • 19°
  • $ 88,02
  • 96,04

Оскуолаларга сыл бүтүөр диэри элбэх киһилээх тэрээһиннэр тохтотуллуохтара

13:01, 29 июля 2020
Текст:
Читайте нас на
Яндекс Новости
ЯДВ

РФ үөрэхтээһиҥҥэ министиэристибэтэ оскуолаларга сыл бүтүөр диэри элбэх киһилээх тэрээһиннэри ыыппаттарыгар сүбэлиир. Бу туһунан «Интерфакс» үөрэх миниистирэ Сергей Кравцов этиитигэр олоҕуран суруйар.


Бэнидиэнньиккэ Сергей Кравцов «Россия 24» ханаалга оҕолор урукку курдук оскуолаҕа баран үөрэниэхтэрин туһунан эппитэ. Министиэристибэ саҥа үөрэх дьылыгар, Билии күнүгэр бэлэмнэнии үлэтин саҕалаабыт. Үөрэх кэмигэр оскуолалары дезинфекциялыахтара, киириигэ үөрэнээччилэр температураларын кээмэйдиэхтэрэ. Балаҕан ыйын бастакы икки нэдиэлэтигэр хас биирдии оскуолаҕа мэдиссиинэ үлэһитэ дьуһуурунайдыа.

Билиҥҥи туругунан Билии күнүнээҕи үөрүүлээх тэрээһин ыытыллара былааннанар. Ол эрэн биир эмэ муниципалитекка эпидемиологическай балаһыанньа уустук буоллаҕына – тохтотуллуо.

Атырдах ыйыгар эпидемиологическай туруктан көрөн «Артек», «Орленок», «Океан», «Смена» лааҕырдара атын регион оҕолоругар анаан аһыллыахтара.

Эрдэ дойду премьера Михаил Мишустин хас биирдии региоҥҥа оскуолаҕа үөрэнэ барыы туһунан быһаарыы атырдьах ыйын 20 күнүгэр ылыллыа диэн этэн турардаах.

Следите за самым важным и интересным в Telegram-канале и WhatsApp-группе ЯСИА