5 Бэс ыйа 05.06
  • 16°
  • $ 80,88
  • 87,1

Оскуолалар уонна дьыссааттар төрөөбүт тылы үөрэтэр учебниктарынан толору хааччыллыахтара

17:01, 11 апреля 2022
Текст:
Читайте нас на
Яндекс Новости
ЯДВ

2022 сыл балаҕан ыйын 1 күнүттэн оскуолаларга саҥа ФГОС-н үөрэтии саҕаланыаҕа. Саха сирин бырабыыталыстыбата төрөөбүт тылынан үөрэтии учебниктарынан хааччыйыыга былааны бигэргэттэ. Вице-премьер Сергей Местников отчуот кэмигэр эппитинэн, кэлэр икки сыл устата төрөөбүт тыл уонна литература учебниктарын дефицита тохтуохтаах, диэн өрөспүүбүлүкэ сүрүн пресс-сулууспата СИА-ҕа иһитиннэрдэ.

Ил Дархан Айсен Николаев сорудаҕынан, «2020-2024 сылларга Саха Өрөспүүбүлүкэтигэр судаарыстыбаннай уонна официальнай тыллары харыстааһын уонна сайыннарыы» судаарыстыбаннай бырагыраама чэрчитинэн учебниктары уонна үөрэтэр босуобуйалары оҥорууга үбүлээһин көрүллэн турар.

2021 сылга «Кабинет литературы на языках малочисленных народов Севера», «Библиотечка «Саха уһуйаана», «Библиотечка для полилингвального детсада» уонна «Аудиодар Ил Дархана» (саха суруйааччыларын уонна бэйиэттэрин аудиокинигэлэрин хомуурунньуга) бырайыак олоххо киирбиттэрэ. 10-11 кылаастарга саха тылын уонна литературатын үөрэтэр босуобуйалар, дьүкээгир тылын босуобуйата уонна начаалынай кылааска ааҕар кинигэ, учууталларга уонна иитээччилэргэ босуобуйалар, тылдьыттар тахсыбыттара. «Айар» кинигэ кыһатын саайтыгар аһаҕас туттууга 1-9 кылаастарга саха тылын уонна литературатын үөрэтэр учебниктар электроннай киэптэрэ бааллар.

Бу күннэргэ Сергей Местников 2022-2023 сылларга үөрэтэр-методическай литератураны таһаарыы былаанын бигэргэттэ. Туундара дьүкээгирин тылын  5 кылаастарга үөрэтэр, 1-5 кылаастарга саха тылын уонна литературатын үөрэтэр учебниктар оҥоһуллуохтара. Маны сэргэ 10-11 кылаастарга саха тылын учебнигын электроннай киэбин бэлэмниэхтэрэ.

Оскуолалары, дьыссааттары «Кабинет якутского языка, литературы и культуры» уонна «Дидактические материалы к программе дошкольного образования «Кустук» комплектарынан хааччыйыахтара.

Хаартыска: Андрей Сорокинй, СИА

Следите за самым важным и интересным в Telegram-канале и WhatsApp-группе ЯСИА