Арассыыйа оскуолаларын үөрэнээччилэрэ балаҕан ыйын 1 күнүттэн информатика уруогун дириҥэтиллибит таһымыгар «Искусственнай интеллект» диэн хайысханы үөрэтиэхтэрэ. Бу туһунан РИА Новости үөрэх миниистирэ Сергей Кравцовка сигэнэн иһитиннэрэр.
Миниистир этэринэн, саҥа хайысха информатика олимпиадатыгар киллэриллибит, улахан наадалаах уонна билиҥҥи кэмҥэ сөп түбэһэр буолан, 2026/2027 үөрэх дьылыттан оскуола бырагырааматыгар киллэриэхтэрэ.
Эрдэ үөрэх уонна наука министиэристибэтэ 5–6, 7–8 уонна 9 кылаастарга «Искусственнай интеллект киириитэ» диэн учебниктары федеральнай испииһэккэ киллэрбитэ.
