16 Атырдьах ыйа 16.08
  • 14°
  • $ 61,37
  • 62,51

Орто оскуоланы бүтэрэр эксээмэннэргэ кэккэ уларыйыылар киирдилэр

12:01, 28 декабря 2020
Текст:

Пандемиянан сибээстээн 2021 сылга БКЭ-ни, судаарыстыбаннай түмүктүүр аттестацияны (ГИА) туттарыыга кэккэ уларыйыылар киирдилэр. БКЭ ыам ыйын 31 күнүттэн бэс ыйын 2-гэр диэри ыытыллыа. Ыалдьан эбэтэр атын аахсыллар биричиинэнэн суруйбатахтар от ыйын 12 – 17 күннэригэр суруйуохтара, диэн Арассыыйа үөрэххэ миниистирэ Сергей Кравцов иһитиннэрдэ.


Үгэс быһыытынан ахсынньыга суруллар өйтөн уонна аахпыттан суруйуу муус устар иккис аҥарыгар көстө. Биир кэлим эксээмэннэри, 9-с кылаастарга судаарыстыбаннай түмүктүүр аттестацияны (ГИА) эрдэ туттарыы диэн суох буолуо.

Үрдүк үөрэххэ туттарсыбат выпускниктар нуучча тылыгар уонна математикаҕа эксээмэннэринэн муҥурданыахтара.

Үрдүк үөрэххэ туттарсааччылар нуучча тылыгар эксээмэннэрин ортоҕо суруйдахтарына сөп буолуо. Математикаҕа базовай таһымҥа БКЭ 2021 сылга ыытыллыбат.

Эксээмэннэри ыам ыйын бүтүүтэ, бэс ыйын саҕаланыыта суруйуохтара.

9-с кылааһы бүтэрбиттэр аттестаттарын нуучча тылыгар, математикаҕа судаарыстыбаннай түмүктүүр аттестация (ГИА) түмүгүнэн ылыахтара. 2021 сылга эбии биридимиэти талан эксээмэни туттарыы суох буолуо.

Нуучча тылыгар, математикаҕа ГИА ыам ыйын 24 – 28 күннэригэр ыытыллыа.

Сиһилии манна көр https://ysia.ru/v-rossii-obyavili-izmeneniya-poryadka-provedeniya-ege-i-gia-v-2021-godu/

Следите за самым важным и интересным в Telegram-канале и WhatsApp-группе ЯСИА
0
0