Орто Халыма оройуонун бары нэһилиэгэр оҕуруот аһын тиэйии түмүктэннэ. Бу туһунан «Якутоптторг» ААУо олохтоох филиалын дириэктэрэ Т.Н. Тайшина иһитиннэрдэ.
Сэтинньи ый саҥатыгар Орто Халыма улууһун аҕыс нэһилиэгэр, ону тэҥэ Аллараа Халыма улууһун Андрюшкино уонна Колымское бөһүөлэктэригэр уопсайа 22 туонна оҕуруот аһа вертолетунан тиэрдилиннэ. Ордуга Налимскай бөһүөлэк уонна Орто Халыма куорат олохтоохторугар атыыланна.
Дьон-сэргэ быйыл тиэйиллибит оҕуруот аһын хаачыстыбата былырыыҥҥытааҕар үчүгэй диэн сыаналыыр. Биир киилэ хортуоппуй 66 солк., хаппыыста — 58 солк., сүбүөкүлэ — 68 солк., моркуоп — 75 солк. тэҥнэстэ.
Ааптар: Светлана Талибаева, https://ulus.media
