28 Кулун тутар 28.03
  • -11°
  • $ 92,59
  • 100,27

Орто Халыма улууһун баһылыга СӨ Тыатын хаһаайыстыбатын министиэристибэтигэр сурук ыытта

11:11, 13 октября 2016
Текст:
Читайте нас на
Яндекс Новости
ЯДВ

Алтынньы 11 күнүгэр улуус баһылыга Евгений Слепцов быйылгы кыстыкка сыһыаннаах сүбэ мунньаҕы тэрийэн ыытта. Сүрүн боппуруоһунан тыа хаһаайыстыбатыгар бу дьыл дьайыыта, онтон тахсар суоллары тобулуу буолла.


Балаҕан ыйын 8 күнүгэр ынах-сүөһү, сылгы ахсаанын тутан хаалар, быйылгы кыстыгы этэҥҥэ туоруур инниттэн улууска оперативнай штаб тэриллибитэ. Алтынньы 1 күнүнээҕи туругунан, улууска ынах-сүөһү ахсаана 1686 төбөҕө тэҥнэһэн турар, итинтэн ыанара — 657 төбө. Сылгы ахсаана 3701 төбө, биэтэ — 1855 төбө. Таба 2254 төбөҕө тэҥнэһэн турар, итинтэн ийэ табата — 502 төбө.

Бу күҥҥэ ынах төрөөһүнэ 468, биэ 517 төбөҕө тэҥнэһэн турар.

Бэлэмнэниллибит от 8594 тонна, итинтэн бааһынай хаһаайыстыбалара — 2396, ТХПК-лар — 3126, кэтэх хаһаайыстыбалар — 2251, оскуолалар — 421, саппааска — 400 тонна. Эбии аһылыкка “Магдебург” рефрижераторынан 50 тонна уотурба, 20 тонна эбиэс, 7 тонна туус аҕалылынна.

Сыллааҕы от былаана туолан, кыстык боппуруостара быһаарыллыбыт курдук буолбуттара эрээри, күн-дьыл туруга мөлтөөн, ыарахан турукка киллэрдэ. Ол курдук балаҕан ыйын 27 күнүттэн алтынньы 11 күнүгэр диэри сылаас инчэҕэй хаар тохтоло суох түһэн, хаарын үрдүгэ 50 см диэри тиийдэ. Дьокуускайдааҕы күнү-дьылы кэтээн көрүү управлениета Орто Халыматааҕы метеостанция специалистарын иһитиннэриилэригэр олоҕуран, бу курдук көрдөрүүлэри улуус дьаһалтатыгар ыытта. Орто Халыма куоракка алтынньы бастакы декадатыгар сөҥүү 38 мм (нуорма 10 мм), хаар үрдүгэ ортотутан 41 см (нуорма 11 см), муҥутуур үрдээһинэ 50 см (нуорма 22 см), халыҥа 0,18 г/куб.см (нуорма 0,13 г/куб.см) тэҥнэспит.

Онон кыстык ыараханнык саҕаламмытынан, алтынньы 11 күнүнээҕи 569-а №-дээх улуус баһылыгын дьаһалынан, улуус үрдүнэн бары балаһыанньаҕа күүстээх бэлэмнээх буолуу режимэ олохтонно. Улуус дьаһалтата Тыа хаһаайыстыбатын министиэристибэтигэр улууска баар балаһыанньаны кытта билсэригэр специалиһы ыытарыгар көрдөһүү сурук ыытта.

Сүбэ мунньахха баһылык бастакы солбуйааччыта Р.С.Гаврильев, Тыа хаһаайыстыбатын управлениетын начаалынньыга Е.Н.Константинов, кини солбуйааччыта М.А.Шарина, “Амтан” ТХПК дириэктэрэ М.И.Явловскай, Иккис Хаҥалас нэһилиэгин баһылыга Ю.А.Гуляев, ону кытта тыа хаһаайыстыбатын аксакаллара А.Д.Слепцов, П.П.Винокуров кыттыыны ыллылар.

Следите за самым важным и интересным в Telegram-канале и WhatsApp-группе ЯСИА