Алтынньы 31 күнүттэн биһиги улууспутугар быраастар мобильнай биригээдэлэрэ үлэлиир диэн, «Халыма долгуннара» телеграм-ханаал суруйар.
Санатан эттэххэ маннык үтүө хамсааһын, Арктика улуустарыгар олорор дьон- сэргэ доруобуйатын көрөр- истэр, тупсарар, нэһилиэнньэ үйэтин уһатар сыаллаах- соруктаах, ааспыт сылтан Саха Өрөспүүбүлүкэтин Ил Дархана Айсен Николаев бачыымынан олоххо киирбитэ.
Бигэргэммит былаан быһыытынан невролог, эндокринолог, кардиолог, терапевт, педиатр, лабараан, узи бырааһа Сыбаатайга уонна Эбээххэ учуокка турар дьону көрдүлэр-иһиттилэр. Сыбаатайга үлэ түмүгүнэн 158 киһи доруобуйатын туругун көрдүлэр.
Сэтинньи 4-6 күннэригэр Орто Халыматааҕы кииннэммит балыыһаҕа үлэлиэхтэрэ.
Саргылаана Кокорина
