Бүгүн, сэтинньи 21 күнүгэр, Орто Халымаҕа, буруоттан сылтаан, оҕо саадын эвакуациялаатылар. Быһылаан түмүгэр ким да эмсэҕэлээбэтэ, диэн СИА Саха сиринээҕи Росгвардия пресс-сулууспатыгар сигэнэн иһитиннэрэр.
Буруо туһунан иһитиннэрии 08:09 киирбит. Росгвардия үлэһиттэрэ иһитиннэрии киирбитин кэннэ, икки мүнүүтэнэн оҕо саадыгар тиийбиттэр уонна түөрт оҕону, аҕыс улахан киһини уулуссаҕа таһаарбыттар.
Кэлин биллибитэ, дьиэ хаҥас өттүттэн буруо тахсыбыт. Кыра бэлэмнэнэр бөлөх хоһугар ламинат анныгар баар сылаас муостаҕа электрическэй провод алдьаммыт.
