Өрөспүүбүлүкэтээҕи онкодиспансер быраастара сыл саҕаланыаҕыттан үс оройуоҥҥа, ол иһигэр икки Аартыка улуустарыгар — Орто Халымаҕа, Эдьигээҥҥэ үлэлээтилэр. 25 киһи араак ыарыытыгар уорбаланан, Дьокуускайга ситэри көрдөрүнэ ыҥырылыннылар.
Онкодиспансер быраастара быйыл барыта өрөспүүбүлүкэ 12 улууһун хабар былааннаахтар. Сотору кэминэн биригээдэ Үөһээ Дьааҥы улууһугар тиийиэ.
Биригээдэҕэ онкогинеколог, онкохирург, маммолог, эндоскопист, УЗИ быраастара киирэллэр.
Былырыын пандемия биллэриллиэн иннинэ «Онкодесант» 11 оройуоҥҥа, ол иһигэр 5 арктическай улууска – Абыйга, Үөһээ Халымаҕа, Муомаҕа, Аллараа Халымаҕа, Усуйаанаҕа үлэлээбит. Сырыы түмүгүнэн араак ыарыыта 20 киһиэхэ бигэргэммит.
