Саха Өрөспүүбүлүкэтин Ил Түмэнин бэһис пленарнай мунньаҕар «”Саха Өрөспүүбүлүкэтигэр олохтоох салайыныы туһунан” Саха Өрөспүүбүлүкэтин Сокуонугар уларытыылары киллэрэр туһунан» Саха Өрөспүүбүлүкэтин сокуона ылылынна.
Сокуон бырайыагын Саха Өрөспүүбүлүкэтин норуодунай дьокутааттара Владимир Прокопьев, Александр Сусоев, Алквиад Тарасов көҕүлээтилэр.
Саха Өрөспүүбүлүкэтин Ил Түмэнин олохтоох салайыныыга сис кэмитиэтин бэрэссэдээтэлэ Владимир Прокопьев кэмитиэт сокуон бырайыагын иккис (бүтэһик) ааҕыыга ылынарга этиитин иһитиннэрдэ.
Киллэриллэр «”Саха Өрөспүүбүлүкэтигэр олохтоох салайыныы туһунан” Саха Өрөспүүбүлүкэтин Сокуонугар уларытыылары киллэрэр туһунан» Саха Өрөспүүбүлүкэтин сокуонун бырайыага «Россия Федерациятыгар олохтоох салайыныыны тэрийии уопсай бириинсиптэрин туһунан» Федеральнай сокуоҥҥа уонна «”Россия Федерациятын субъектарыгар аһаҕас былааһы тэрийии уопсай бириинсиптэрин туһунан” Федеральнай сокуон 44 ыстатыйатыгар уларытыылары киллэрэр туһунан» 2023 сыл атырдьах ыйын 4 күнүнээҕи 420-ФС №-дээх Федеральнай сокуоҥҥа сөп түбэһиннэрэр инниттэн ырытыллан оҥоһулунна.
Сиhилии: https://iltumen.ru/news/25125
Ил Түмэн пресс-сулууспата
@iltumen
