29 Кулун тутар 29.03
  • -12°
  • $ 92,26
  • 99,71

Олохтоох көҕүлээһиннэри өйүүр бырагырааманы Саха сирин олохтоохторо биһирииллэр

Читайте нас на
Яндекс Новости
ЯДВ

Саха сирин олохтоохторо олоххо-дьаһахха көдьүүстээх бырайыактарын көҕүлээһиннэри өйүүр хардарыта үбүлээһин бырагырааманан быһаарарга бэлэмнэр. Ол туһунан тустаах салааҕа регионнааҕы консультант Светлана Колодезникова «Саха» ГТРК биэриитигэр кэпсээтэ.


«Бырагыраама олус көхтөөхтүк өйөммүтэ. Кыһалҕаны түргэнник уонна хаачыстыбалаахтык быһаарыахха сөбө дьоҥҥо биһирэммитэ», — диэтэ аан дойдутааҕы баан регионнааҕы консультана Светлана Колодезникова. 

Кини эппитинэн, 2019 сылга куонкуруска 565 сайаапка киирбит, онтон 443-һэ ааспыт. Кыайыылаах бырайыактар уопсай суумалара 726 мөл.солк., оттон көрүллэр субсидия суумата — 500 мөл.солк.

Проект автобусных остановок в селе Майя признан лучшим на общероссийском конкурсе

«Дьон субсидияҕа эбии 226 мөл.солк. көрүммүтэ, бу кинилэр кыһалҕаларын бэйэлэрэ быһаарарга бэлэмнэрин көрдөрөр. 2019 сыллаахха Россия үпкэ министиэристибэтэ бастыҥ практикаларга куонкурус биллэрбитэ. Саха сириттэн 25 бырайыак киллэриллибитэ, Майа сэлиэнньэтэ кыайыылаах буолбута», — диэтэ Светлана Колодезникова.

Куонкуруска Саха сирин муниципалитеттара бары олус көхтөөхтүк кытталлара бэлиэтэннэ.

«Тыа сирин олохтоохторо куораттардааҕар ордук көхтөөхтөр», — диэтэ консультант.

Следите за самым важным и интересным в Telegram-канале и WhatsApp-группе ЯСИА