Төрүт дьоммут төлкөлөөх суолларын олоҥхоҕо ойуулаахтара, өбүгэ дьоммут өлүүлээбит тылларын баайын бу үйэҕэ тиийдин диэн кэһии гынан кээстэхтэрэ, хаһаас гынан хааһахтаатахтара. Алаастан алааска кэтэһиилээх ыалдьыт буолан тиийэн аламаҕай санаа саҕахтарын арыйан, кыстык дьиэ кыттыгастарыгар, дьукаахтыы олорор ыалларга тиийэн олоҥхоһукка диэн ууруллубут эмис сүөһү этин элийэ быһан сыатын- арыытын бырдаҥалаттахтара, силиитин сиэтэхтэрэ, алгыстаах алаадьынан айах туттахтара.
Олоҥхоһут обургу омуннура-төлөннүрэ орто дойду олоҕун ойуулаатааҕына оннуук диэн сөбүлэстэхтэрэ, эбэн биэрэ-биэрэ эриэккэһи кэпсээтэҕинэ сөбүлэһэн кэҕис гыннахтара, сөхтөрөөрү сөп диэбит кэмигэр сөргүтэн биэрэн сүр күүскэ тыыммахалаан, хааннаах — сииннээх охсуһуулары ойуоккалатан киллэрэн эпсэри эптэҕинэ ээ, сөп диэтэхтэрэ. Тыл маанытыгар уйдаран олорор олохторун ойуулаттахтара, кэлиэхтээх кэми киэргэтитттэхтэрэ. Төрүт тылбыт баарын тухары түөрэккэйгэ тиэрэ бэрдэримиэххэ, ааһарга таарыйтарымыахха. Төрүт үгэстэри тутуһуохха, төрүт аһы аһыахха.
Балааҕыйа баайа Барахсаана
