20 От ыйа 20.07
  • 22°
  • $ 88,02
  • 96,04

Олоҥхо ыһыаҕар хомусчуттар куонкурустарын кыайыылаахтара билиннилэр

16:02, 21 июня
Текст:
Хаартыска: ЯСИА саайта
Читайте нас на
Яндекс Новости
ЯДВ

Амма улууһугар Олоҥхо ыһыаҕар өрөспүүбүлүкэтээҕи хомусчуттар куонкурустара түмүктэннэ. Гран-при Ньурба улууһуттан Валерий Платонов буолла.

Дьүүллүүр сүбэ чилиэнэ Туйаара Жиркова эппитинэн, куонкуруска 50 хомусчут кытынна. Кинилэргэ 16 араас тиэмэ бэлэмнэнилиннэ. Холобурга, «Ыһыах», «Амма», «Кыталыктар үҥкүүлэрэ», «Маҥан ат» диэн дьүһүйүүлэр бааллар.

Бастыҥ хомусчутунан Ньурба улууһуттан Валерий Платонов ааттанна. Киниэхэ сертификат уонна «Олоҥхо ыһыаҕа — 24» диэн бэлиэлээх үрүҥ көмүс хомус туттарылынна.

«Мин Ньурбатааҕы «Кыталык» култуура киинигэр үлэлиибин уонна «Ньурбачаан» норуот фольклорун кэлэктиибин салайабын. Хомуска оонньообутум уонтан тахса сыл буолла. Куонкуруска сэттис сылбын кыттабын. Урукку сылларга араас номинация буоларым, бириистээх миэстэҕэ саҥа тигистим», — диэтэ кини.

Россияҕа дьиэ кэргэн, Саха сиригэр оҕо аймах сылларынан быйыл дьиэ кэргэн ансаамбылларынан куонкуруска кыттыы буолла. 12 ыал кытынна. Кыайыылаахтарынан Мэҥэ Хаҥаластан Кривошапкиннар буоллулар.

Следите за самым важным и интересным в Telegram-канале и WhatsApp-группе ЯСИА