Бэҕэһээ, олоҥхо күнүн көрсө, олоҥхоһуттар, оһуохайы таһаарааччылар, уустар Ил Дархан истипиэндьийэтин ылалларын туһунан туоһу сертификаттары туттулар. Барыта 20 киһи ый аайы 30-туу тыһ солк төлөбүр ылыаҕа, суруйар СИА.
Норуот маастара Борис Неустроев — Мандар Ууска олоҕун тухары истипиэндьийэ ананна.
Култуура нэһилиэстибэтин харыстааһыҥҥа, тэнитиигэ сүҥкэн кылааттарын иһин, истипиэндьийэлээхтэри Саха сирин баһылыга Айсен Николаев эҕэрдэлээтэ. Кини, оһуохай быйыл Россия норуоттарын култуураларын 100 шедеврын испииһэгэр киллэриллибитин санатта. Ахсынньы саҥатыгар Мариинскай уонна Большой театр сыаналарыгар өрөспүүбүлүкэ 100 сылыгар анаан, Марк Жирков «Дьулуруйар Ньургун Боотур» национальнай оператын саҥа интерпретациятын көрдөрүөхтэрэ.
Айсен Николаев олоҥхоһуттарга, оһуохай таһаарыытыгар өрөспүүбүлүкэ куонкурустарын кыайыылаахтарыгар, призердарыгар, уус искусствотын баһылаабыттарга ый аайы 30-туу тыһ солк суумалаах истипиэндьийэлэри туттарда. Төлөбүр биир сыл оҥоһуллар.
Өрөспүүбүлүкэ бочуоттаах олохтооҕор, култуура үтүөлээх үлэһитигэр, Ойуунускай аатынан бириэмийэ лауреатыгар Борис Неустроевка — Мандар Ууска олоҕун тухары истипиэндьийэ ананна.
