16 От ыйа 16.07
  • 28°
  • $ 87,81
  • 95,78

Олоҥхо декадата сэтинньи 22 күнүгэр саҕаланыаҕа

17:02, 03 ноября 2021
Текст:
Читайте нас на
Яндекс Новости
ЯДВ

Олоҥхо декадата сэтинньи 22 — ахсынньы 5 күннэригэр ыытыллар. 50-тан тахса онлайн-тэрээһин буолара былааннанар. Бырагыраама бырайыага «2020-2024 сылларга судаарыстыбаннай уонна официальнай тыллары харыстааһын уонна сайыннарыы» тосхол чэрчитинэн ылылынна, СИА-ҕа култуура министиэристибэтэ эттэ.

Бырагыраамаҕа биллиилээх олоҥхоһуттар уонна учуонай-эпосоведтар үбүлүөйдэрэ киллэрилиннэ, итиэннэ конференциялар, төгүрүк остуоллар, онлайн-лекциялар, олоҥхо ааҕыыта, айар биэчэрдэр, олоҥхону билиигэ таһымы үрдэтиигэ куурустар, куонкурустар уо.д.а. киирдилэр.

Сэтинньи 25 күнүгэр сыллааҕы национальнай бириэмийэ туттарыыта буолуоҕа. Бу күн Кулаковскай аатынан кииҥҥэ Мария Маркова «Улуу Даарын» испэктээҕэ туруоҕа, М.Т. Шараборин-Кумаров олоҥхотун матыыбынан.

Култуура миниистирин бастакы солбуйааччыта Владислав Левочкин эппитинэн, быйылгы дьаһал хайысхата араас: «Декада бырагырааматыгар киллэриигэ 22 муниципалитеттан сайаапка киирбитэ. Сорох этиилэр интэриэһинэйдэр, оригинальнайдар. Бастыҥнар талыллаллар, бүтүн өрөспүүбүлүкэ суолталаахтар сэҥээриини ылаллар».

Следите за самым важным и интересным в Telegram-канале и WhatsApp-группе ЯСИА