От ыйын 29 күнүгэр Саха сирин быыһыыр бөлөҕун сулууспатын эдэр байыастара Өймөкөөн улууһун Оганьинскай сис хайатыгар бырааттыы Малгиннар кэриэстэригэр өйдөбүнньүк стеланы туруордулар, идэҕэ андаҕардарын эттилэр. Бу туһунан СИАҕа биэдэмистибэ пресс-сулууспата иһитиннэрэр.
10 киһилээх бөлөх Дьокуускайтан от ыйын 27 күнүгэр айаҥҥа туруммута. Аара Баайаҕа нэһилиэгиттэн оскуола учуутала Номогон Оруннаах Дедюкин барсыбыт. Бөлөҕү быыһыыр сулууспа салайааччыта Михаил Шестаков уонна СӨ нэһилиэнньэ олоҕор куттал суох буолуутун кэмитиэтин салайааччытын бастакы солбуйааччы Иннокентий Андросов, бастакы кылаастаах альпинист-быыһааччы Роман Крутихин салайан илдьэ сылдьыбыттар.
Байыастар Оганьинскай сис хайатын 2409 м үрдүгэр тахсан, Кыайыы 75 сылынан аҕа дойду сэриитигэр баран геройдуу охтубут бырааттыы Малгиннар кэриэстэригэр өйдөбүнньүк стеланы туруордулар, идэҕэ андаҕардарын эттилэр.
