29 Сэтинньи 29.11
  • -33°
  • $ 60,75
  • 63,3

Эдэр быыһааччылар идэҕэ андаҕардарын Оганьинскай сис хайатын чыпчаалыгар этиэхтэрэ

16:01, 24 июля 2020
Текст:

13 киһилээх Саха сирин быыһыыр бөлөҕун сулууспатын эдэр байыастара Өймөкөөн улууһун Оганьинскай сис хайатыгар ыттыахтара. Быыһааччылар 2409 м үрдүккэ Кыайыы 75 сылыгар анаммыт өйдөбүнньүк кэриэс баҕанатын туруоруохтара, идэҕэ андаҕардарын этиэхтэрэ. Бу туһунан СИАҕа биэдэмистибэ пресс-сулууспата иһитиннэрэр. 


От ыйын 23 күнүгэр бөлөх бэлэмин тургутуу буолла. Быыһыыр сулууспа салайааччыта Михаил Шестаков уонна СӨ нэһилиэнньэ олоҕор куттал суох буолуутун кэмитиэтин салайааччытын бастакы солбуйааччы Иннокентий Андросов салайааччылаах бөлөх айаҥҥа от ыйын 27 күнүгэр турунуо.

Эдэр быыһааччылар Өймөкөөн улууһун Оганьинскай сис хайатын 2409 м чыпчаалыгар Кыайыы 75 сылыгар анаммыт өйдөбүнньүк кэриэс баҕанатын туруоруохтара, идэҕэ андаҕардарын этиэхтэрэ.

Кэнэҕискитин хайа чыпчаалыгар сэрии хонуутугар хорсуннук охтубут Таатта улууһун Баайаҕа нэһилиэгин ыччатын, биэс бырааттыы Малгиннар ааттарын иҥэрэр туһунан этии көрүллүө.

Следите за самым важным и интересным в Telegram-канале и WhatsApp-группе ЯСИА
0
0